聯想Blog成立！

大家好，小妺被公司安排在這𥚃寫blog，壓力其實不大！因為飲飲食食邊個唔識？不是專家，但真心鍾意食野，希望跟大家開心share吓啦！

話說有日收工行一田（一田有好多靚生果，雖然貴），見到聲稱用日本技術丶美國種植的12度甜橙，$19.8四個，忍唔住買來試吓！小妺作為愛橙之人，深知好食嘅橙求之不易，有錢都未必買到，所以見到有咁特別嘅12度甜橙，貴少少都買。

回家一試，果然夠甜！雖然橙細隻，果肉也不算有咬口，但真係甜，無呃人，可以再戰！