行個靚山

自從上年身體突然急劇變虧後，大舊我終於知道自己唔做運動唔得。最近大舊愛上行山，做到運動之餘又有靚景睇下，一舉幾得！

同大家介紹最新行過嘅山 - 大東山，大東山最近好出名，因為山上面有好靚嘅芒草同爛頭營（但芒草依家已經枯哂喇），行足全程大約要3個鐘，沿路全程都要爬坡同暴曬，要做好心理準備。 不過到頂後果種荒野漫遊嘅感覺，你會覺得流幾多汗都值得！提一提，大東山絕對唔係初學者杯茶，如果你只係第一二次行山，都係揀返環島嘅平坦路線比較穩陣！